Ham to Yeshu, dar pe tere…

Ham to Yeshu, dar pe tere, aaye hain tujhse milne ! (2)

Jane na dena aur kahin (2) ham aaye hain tujhe pane !!

Bhatke hain kitna raaho mein, duniya ki jhooti chahon mein (2)

Dil ko mila hai sukun ab, aa ke teri hi bahon mein;

aa ke teri hi bahon mein!

Tune sambhala, jab-jab gira main (2) duniya ye mane na mane!

Ham to Yeshu, dar pe tere…

Tune hi di wo raah jo, nav-jeevan tak jati hai (2)

Iss jeevan mein mrityu ke uss paar talak jati hai;

uss paar talak jati hai!

Mukti ka rasta tune dikhaya (2) jayein kise samjhane!

Ham to Yeshu, dar pe tere…

Ab to yahi, hai murad ki, dekhein tera chehra (2)

Antim samay jab tu aayega, bandhe sir pe sehra;

bandhe sir pe sehra!

Hamko bana de, itna pawan (2) ki tu bhi hamein apna le!

Ham to Yeshu, dar pe tere…